BIODERMA 貝膚黛瑪

水活保濕精華肌底液

🥹有幸被@cosme抽中得到試用機會， 依家就嚟分享返親自實測10日後嘅成果。

🫣就咁睇呢支產品，本身以為佢係一支爽膚水，但係原來佢係基底液：能夠打開你嘅皮膚，將後續保養品有效咁帶到皮膚底層嘅一個媒體。

🫶🏾其他主要成份仲有水楊酸同維他命E：
🍋‍🟩水楊酸可以幫助去除老化嘅角質，令皮膚變得平滑，提升光亮感
🌲維他命E可以高效抗氧化，保持皮膚年輕
（但係我諗要配搭埋維他命C嘅功效先會更加明顯）

👃🏾佢有種獨特嘅香味，係介乎花香同酒精搓手液之間嘅味道。對於我嚟講就唔算太難聞，不過會偏刺激性少少。

🧏🏾‍♀️上到塊面度，會feel到佢好快比皮膚吸收，真係有一種去咗深層皮膚嘅感覺。

🙆🏾‍♀️產品仲附送一支噴霧裝嘅頭，方便直接噴喺塊面度，唔使使用化妝棉。（但我唔知點解唔能夠將呢個噴頭同基底液裝埋一齊。）

💕最後嚟到用後感：
✨補水、鎖水嘅功效可以話係毋庸置疑，我諗就算唔係配搭佢嘅精華液使用，都可以幫到其他嘅護膚產品加大佢嘅功效。

✨不過喺膚色提亮方面，我就持有保留態度，覺得佢效果唔算太明顯。

✨整體而言其實好唔錯，直接洗完面之後使用佢做爽膚水亦得，但又比爽膚水加多啲護膚功效：保濕同抗氧；可以話係一舉兩得嘅意外收穫。