BIODERMA 貝膚黛瑪

水活保濕精華肌底液

呢兩款 Bioderma Hydrabio 系列嘅產品我試用咗 10 日，效果真係令人驚喜！首先係支 Hydrabio Essence Lotion，質地清爽得嚟好保濕，平時洗完面第一步用佢，好快就俾肌膚吸收晒，即時感覺到皮膚飲飽水，成個人精神晒。
呢款水潤精華液結合咗醫學保濕科技，能夠平衡膚質，令後續護膚品更加吸收。

之後再搽埋支 Hydrabio Hyalu+ Serum，呢對組合簡直係乾肌救星。精華含有高分子及低分子量玻尿酸與維他命 B3，主打深層補水同強化屏障。

佢嘅延展性極高，輕輕推開就推到全塊面，仲可以順便幫面部做埋按摩，觸感滑順而唔油膩。用咗 10 日之後，最明顯係覺得皮膚嘅鎖水力強咗好多，摸落去滑溜咗，連毛孔都有縮小同埋飽滿咗嘅感覺。整體嚟講，呢套組合保濕力強之餘又唔會覺得黏笠，非常推薦俾追求水潤感同細緻膚質嘅朋友！