L'ORÉAL PARiS

超水光精華

首先要多謝 @cosme 送出 L’OREAL PARiS「超水光」精華 💧
呢支主打「無針無痛水光肌」，7日有水光效果，28日仲話可以媲美醫美療程，見到都幾吸引👀✨

我本身係混合偏油肌，T字位容易出油，但兩頰有時會偏乾😮‍💨
平時又會因為夜瞓同長時間對電腦，皮膚容易暗沉、蠟黃、冇光澤，仲會有少少乾紋同毛孔粗大問題💻

呢支 L’OREAL PARiS「超水光」精華 主打用專利成分 PDRN（比傳統三文魚來源更細分子）💧
配合納米級滲透科技，可以更深入肌底，幫助提升水光感同對抗初老✨
同時加入超分子B3＋玻色因PRO，幫助提亮膚色、淡紋同提升緊緻度🤍
標榜可以改善暗黃、提升光澤同膠原蛋白，令皮膚更飽滿有彈性。
質地方面係清透水感、不黏笠，而且無添加酒精、香精等，用落比較安心👌

用落嘅感覺方面，精華係好輕盈水感質地💧
推開好滑，延展性高，上面吸收得幾快，完全唔會黏立立，油肌用都好舒服🫧
氣味方面偏自然，唔會太濃，接受度高。
即時用完之後，皮膚會覺得水潤同柔軟咗，有種飲飽水嘅感覺✨

持續用咗一段時間之後，最明顯係光澤感提升✨
皮膚冇咁暗沉，蠟黃感減少，整體睇落透亮咗，素顏都冇咁攰😌
保濕方面都keep得幾好，皮膚冇咁容易乾，水油平衡好咗。
膚質摸落去更柔滑，粗糙感減少，毛孔視覺上有輕微改善。
細紋方面係偏乾紋位置會冇咁明顯，整體有少少plump up嘅效果💧
緊緻度方面都有輕微提升，皮膚感覺更飽滿。

整體嚟講，確實會有種自然水光肌效果，係由內透出嚟嘅光澤，而唔係油光✨
而且係日常護膚都可以做到，唔需要做醫美都可以維持一個唔錯嘅水潤狀態。

總結嚟講 💧
如果你係
✔ 想改善暗沉、蠟黃
✔ 想提升光澤感同水潤度
✔ 想有輕微淡紋＋plump效果
✔ 想打造自然水光肌

呢支 L’OREAL PARiS「超水光」精華 係一支性價比幾高、日常用都舒服嘅選擇✨
特別適合想用簡單護膚步驟去提升皮膚狀態嘅人～我都會繼續用落去💙