L'ORÉAL PARiS

超水光精華

超級悶熱又係咁落雨嘅8月尾，仲要成日戶外工作，日曬加淋雨，對已經係中女嘅我，護膚真係一大考驗。

本身我皮膚算白有斑，混合乾性肌膚，T 字位容易出油，但兩邊面尤其蘋果肌位偏乾，加上毛孔粗大、法令紋較深，仲要係一遇刺激就容易泛紅嘅敏感肌，喺呢種悶熱天氣底下，我只會揀返啲主要係清爽又深層保濕仲可以同抗衰老嘅護膚品。

多謝Cosme邀請我試用L’oréal PDRN水光肌三部曲套裝：精華水+精華+精華乳液

第三步：
L’oréal PDRN水光精華

整個系列都以紫色為主，呢支精華一樣用紫色漸層樽身加按壓泵頭，包裝望落極具專櫃質感又夠衛生。質地係半透明凝露狀，流動性好高，一推上面極速吸收，完全冇黏笠感。陣味一樣帶有淡淡嘅花香，聞落好舒服。成份除左超hit嘅PDRN，仲有抗衰老嘅 PRO-XYLANE 玻色因。

試用左7日真係有驚喜，喺戶外暴曬完，用精華水敷完再用依款精華，即時再強力鎖緊保濕同撫平返啲因為缺水而好明顯嘅毛孔同法令紋。缺點係對戶外大汗嘅 T 字位嚟講爭少少，晏晝會泛油光。但以咁強效嘅成份組合嚟講，呢支精華性價比真係極高，絕對值得買。