L'ORÉAL PARiS

超水光精華

好開心cosme抽中我試用 L’OREAL PARiS 全新升級「超水光」系列 超水光精華水+ 超水光精華 + 超水光精華乳Glass Skin Toner + Glass Skin Serum + Glass Skin Lotion，多謝 @Cosme & @L’OREAL PARiS 🙏🏼💕

全新升級「超水光」系列由三部曲——活力緊緻透明質酸 超水光精華水、超水光精華及超水光精華乳組成，成個系列嘅外型選用紫色為主調，感覺高貴優雅又時尚😍

STEP 1 PDRN 水光肌精華水作為前導水光透亮，係黏稠少少嘅水狀，流動性頗高，冇咩香味，質地偏水感清爽，倒喺手上再輕拍上臉幾下，就好快被肌膚吸收，完全冇黐立立呢啲唔舒服嘅感覺，喺香港呢個咁潮濕嘅天氣就最啱用，而且即時去暗啞，提升肌膚光澤度，重塑角質層水潤感，為後續養分打通滲透通道，再搽後續嘅面霜精華就更加容易吸收，係肉眼可見嘅速度快咗！

STEP 2 PDRN 超水光精華係半透明水凝露嘅質地，比精華水稍微杰身一啲，延展性強，搽上面之後好容易推開，然後皮膚就好快吸收咗，一樣冇黐立立嘅感覺，就算係而家夏天三十幾度高溫嘅天氣用都唔會覺得唔舒服。要讚嘅係滴管設計乾手淨腳又容易控制使用嘅份量，扭開就自動吸好一滴管嘅精華，基本上就夠搽全面，使用方便！
用咗一個星期之後，好明顯見到全臉煥發水光感，就好似剝殼雞蛋一樣，充滿水潤光澤感同透明感，蠟黃減退，膚色變得更加均勻，就好似由肌膚底層煥發出水光亮澤一樣！

STEP 3 PDRN 水光肌精華乳液係按壓式設計，白色乳液質地透薄，好容易推開以及被皮膚迅速吸收，每次按壓擠出一粒大概好似豆一樣嘅份量，就足以搽晒全臉，非常方便簡單。搽完上面之後有滿滿嘅滋潤感，係具備「會呼吸」嘅舒爽膚感，全面封存水光滋養及養分鎖水，即時提升肌膚光澤度，肌膚變得水潤飽滿，唔再乾燥粗糙，感覺更柔嫩有彈性，整睇落就更明亮精神！整體而言，三款產品連續早晚使用一個星期後，膚況更穩定更健康，冇任何過敏泛紅嘅情況出現，而肌膚就好似由深層開始變得更水潤更透亮有光澤，能夠有效減少因乾燥缺水導致嘅乾紋細紋出現。

用咗一個星期就咁快見效，原來係因為全新升級「超水光」系列注入三大核心成分：獨家專利醫美級 PDRN、超分子 B3及玻色因 PRO，而獨家 PDRN 更加只有毛孔1/2500大小，納米級更快深入肌底，強效抗老抗氧，同時擊退暗沉、淡紋緊緻，肌膚更水潤透亮，同時更全新添加三大抗氧抗糖成分：石榴提取物、肌肽與黃龍膽根植粹，由源頭改善膚色不均與鬆弛細紋，肌膚就變得更年輕更活力，真正做到輕輕鬆鬆7天媲美1次水光療程，無針無痛水光肌！據說仲有深層抗老淡紋嘅效果，好期待持續用四個星期之後，可以改善全臉嘅細紋！而性價比非常高，唔單止無針無痛就可以達成水光肌嘅效果，而且喺價錢上比起做一次水光療程更加係平好多添！🫶🏻