KANEBO

平衡潤妍保濕乳霜

KANEBO Skin Conductor 平衡潤妍保濕乳霜 — 穩定水油平衡嘅溫和之選✨

質地：
呢款保濕乳霜嘅質地雖然叫 Cream 但推開之後好似水感精華咁，上臉之後好快吸收，唔算好笠
對於我呢種混油肌嚟講，最驚搽完嘢之後塊臉好似焗住咁
但呢支用落幾清爽，夏天用都唔大負擔。

效果：
新品所以用咗唔耐
最大感受係皮膚嘅水油平衡做得幾好。
平時 塊面易出油，而家出油量冇特別多咗，但 U-zone乾燥位置又冇甩皮(都可能因為近排天氣潮濕)。
對於暗瘡印同爆粒粒嘅情況，
佢唔係嗰種一用即刻消炎or袪印嘅產品，但勝在夠穩定，有暗瘡嘅時候用佢唔會覺得刺激。
不過，如果係追求深層修復或者強效去印，
呢支嘅力度就略嫌溫和咗啲。
佢比較似係幫你打好個底，
令皮膚維持喺一個健康嘅狀態，
而唔係特效藥咁嘅類型。

總結：溫和穩定型乳霜，適合皮膚比較唔穩定、
容易出油又怕黏笠嘅人。
雖然對付深色暗瘡印功效一般，
但作為每日嘅保濕同埋平衡膚況，
佢表現得幾稱職✨

#火熱新品