KANEBO

平衡潤妍保濕乳霜

對於我呢種混合偏乾肌嚟講，揀乳霜最驚兩件事：一係太薄唔夠補水，一係太厚會焗出粒粒。但呢款乳霜嘅質地真係令人好驚喜，佢觸感非常絲滑，一搽開就感受到嗰種「水分爆發」嘅潤澤感，吸收之後會喺皮膚表面形成一層好薄、好自然嘅保護膜，唔會覺得油淋淋，反而係一種好高級嘅柔軟透亮感。

佢最勁嘅地方係延續咗系列嘅「水油平衡」技術。最近天氣忽冷忽熱，原本我塊面好容易生啲油脂粒或者細碎嘅暗粒，但用咗呢款乳霜之後，皮膚明顯穩定咗好多。佢唔單止幫我鎖住水分，仲好似識得自動調節咁，令到原本乾燥嘅位變返滋潤，容易出油嘅位又保持清爽，皮膚質感摸落去細緻咗好多，膚色變得透亮左。嗰種淡淡嘅花香微調，每次用都覺得好似幫緊皮膚做深層放鬆咁。建議配合用埋同系列嘅平衡煥妍精華水一齊用，再用呢款乳霜鎖住養分，兩者加乘之下，完全體現到咩叫1+1大過2。改善粒粒同提升皮膚透明感嘅效果真係事半功倍👍