KANEBO

平衡潤妍保濕乳霜

夏天係油性肌膚嘅我，洗臉後只會用清爽型嘅化妝水同質地乾燥嘅cream做保養。市面上多數cream都比較厚重，主打俾乾肌保濕，少見有控油成份嘅cream，而Kanebo嘅「平衡潤妍保濕乳霜」就有照顧埋油性肌膚嘅朋友仔。

佢嘅包裝同樣係好特別，個蓋係傾向一邊。簡約風設計望落非常舒服。乳霜同精華水一樣有一浸好特別嘅草本味，聞落好舒壓好放鬆，放工後返嚟使用覺得好舒服。質地輕盈易推，塗抹上臉後覺得好清爽，保濕得嚟又唔黏笠。個人覺得非常容易吸收，肌膚零負擔，配合埋「平衡煥妍精華水」使用亦減少咗出油嘅情況，非常適合油性肌膚喺夏天使用。以單獨使用感嚟講，我覺得乳霜嘅控油保濕效果更強，用落更有感，將來會自己購買。而使用一星期後都覺得肌膚狀況相對上比較穩定，同埋冇出咁多油，推薦俾油肌。