ettusais

激長濃密捲翹睫毛液

我係第一次用呢種束感嘅睫毛液，但係神奇地都幾容易使用，新手絕對無困難。
第一下用鋸齒嗰邊會容易沾取比較多嘅睫毛液，但只要用返密頭嗰一邊梳走多餘嘅睫毛液，就可以做到根根分明嘅太陽花效果。
睫毛液嘅卷翹效果就唔算好持久，但係佢嘅濃密效果就可以保持好長時間，而且全日冇補妝都冇出現暈染嘅問題。
另外，我亦試咗一邊有喺眼底用蜜粉，另一邊就唔用。結果係冇用蜜粉嗰一邊雖然都冇甩到睫毛液，但長期會有種黏黏嘅感覺。
最後，我跟指示講，用大約45度嘅熱水去卸妝，真係可以卸得好乾淨，呢一點係幾驚喜嘅 。
#火熱新品