ettusais

激長濃密捲翹睫毛液

多謝@cosme抽中我試用 ettusais 激長濃密捲翹睫毛液～

我係第一次用ettusais嘅眼妝產品，試用咗幾日先習慣佢嘅「哥斯拉梳頭」同埋沾取用量。佢嘅大細好貼合亞洲人嘅眼型弧度，無論係眼頭、眼尾定是下睫毛都可以照顧得到。

佢嘅梳頭設計可以邊上妝邊梳順睫毛，完全唔會將睫毛黏埋一嚿，真正做到根根分明，亦完全冇惱人嘅「曱甴腳」粗糙感，就算你疊刷 2–3 層，睫毛依然維持得好乾淨、梳得好整齊。裡面嘅微細纖維，可以順著睫毛尖端無限拉長，纖長效果超明顯；同時又會增加到自然嘅濃密感。整體屬於自然得嚟又有存在感嘅風格，唔會誇張到好似假睫毛咁，但雙眼即刻精靈晒。

我都好滿意佢嘅持久力，由朝早返工到夜晚返到屋企，睫毛依然保持住剛刷好嗰陣嘅弧度，完全唔會塌落嚟。防水、防油又防汗，就算香港天氣又濕又熱，或者你本身係油眼，行足一日眼周都係乾乾淨淨，完全唔會暈成熊貓眼。
before
after
帶妝全日後