ettusais

激長濃密捲翹睫毛液

感謝cosme揀中試用ettusais激長濃密捲翹睫毛液。呢支睫毛液整體感覺幾好，完全符合我想要嘅效果。

首先個「哥斯拉梳頭」嘅設計好特別，大細都算啱啱好。不過有個小缺點，可能因為液狀，唔係睫毛「膏」，個刷頭好容易沾得太多，搽嗰陣好容易揩到眼皮。而且因為乾得快，所以一唔小心揩到就要即刻抹咗佢。

對於妝感妝效同濃密纖長度，只要控制好用量，可以做到根根分明，同埋有自然延長嘅效果，冇出現「蟑螂腳」，感覺好自然。

而持久度方面十分好！朝早七點幾搽，一直到夜晚十點幾，差唔多十五個鐘，個捲翹度都依家keep得ok，而且防水防油防暈染效果都不錯。

至於易卸度，用我平時用開嘅卸妝油，就可以完全卸得乾淨，唔使特登用眼唇卸妝液。

總括嚟講，我覺得呢支睫毛液好適合日常通勤或者需要長時間帶妝嘅時候用。整體眼妝都好滿意。