ELIXIR

膠原提亮妝前防曬底霜(杏桃色)

【膠原提亮防曬底霜(杏桃色)】
35g $255

過往一直用同款base嘅櫻花色日本版，無論提亮、滋潤、防曬效果都係一流，唔會起擦膠碎，後續底妝非常貼服。
不過全新杏桃色同我膚色唔太match，用後視覺上膚色黃咗深色咗，雖然滋潤及防曬度應該同櫻花色相同，但提亮效果欠奉，應該較適合健康膚色嘅人

同時試用嘅Elixir緊緻精華質感較厚，後續用杏桃base時難成膜，用搽櫻花色嘅相同手法的話，需要小心又快速塗抹先唔會有指紋同起擦膠碎。
不過試用期最後幾日用咗另一塗抹手法，喺掌心捽勻再快速抹上面，解決咗有指紋同起擦膠碎嘅問題，但防曬功效會弱咗，因呢個塗抹方式防曬膜會較薄。

香港版櫻花色比較清爽，但暫時不論係試用品還是retail架上嘅杏桃色，應該都係日本原版，所以夏天使用要小心前段護膚品嘅配搭同吸收。