SUNPLAY

Skin Aqua Tone-Up 美肌亮膚防曬隔離霜 (冰透藍)

遮瑕與校色兼備、懶人必備嘅「自然裸肌防曬」！
話說呢支 Tone Up UV 防曬系列花款真係極多，而呢支唧出嚟係Skin Beige嘅版本，專為想修飾毛孔同瑕疵、又懶得搽粉底嘅朋友而設嘅神物！

自然遮瑕、告別假白：
比起經典嘅薰衣草紫或者薄荷綠，呢支膚色質地真係自然好多！搽上臉之後唔會死白，反而好自然咁同原生膚色融合，仲可以微微遮到面部嘅輕微瑕疵、膚色不均同毛孔，偽素顏效果一流。個人覺得佢均勻膚色嘅效果最好。同埋佢有細細閃粉，鍾意光澤感嘅你一定要試！

防曬 + 粉底，極速出門：
佢集防曬、調色同自然遮瑕於一身。搽完之後成個面色即刻均勻晒，望落去好乾淨、好有精氣神，直情慳返用粉底嘅時間。

水潤好推，質地輕透唔厚重
雖然有少少類似粉底液嘅膚色遮瑕度，但質地依然保持到 Skin Aqua 系列一貫嘅水潤感，輕輕一推就開，完全唔會好似傳統粉底咁容易卡粉或者厚重。
乾性皮膚既人唔使驚出門之前揸粉底要瘋狂做好保濕，用呢一支一次搞掂。

注意！如果面上真係有勁深色嘅黑眼圈或者大粒暗瘡印，係冇辦法完全遮晒嘅，真係有需要嘅話要局部疊加遮瑕膏。同埋極白或極黑皮膚要留意，因為佢既色調屬於大眾化嘅自然色，如果你天生皮膚超級白皙，或者屬於健康小麥肌，用完可能會覺得個色調同你平時用的粉底有少少出入，建議先試上手。

10分推介趕住出門、又想均勻膚色、唔太介意面上仲有少少瑕疵、鍾意偽素顏感既你
【防曬部門】