SHISEIDO 資生堂

養膚修護精華蜜粉

身為一個混合肌，平時最怕用蜜粉定妝
因為以前用開嗰啲一上臉就乾到大粉感
變紙紥公仔咁死白
到咗下晝眼周同法令紋仲會乾到卡粉，現晒一條條乾紋出嚟
但 SHISEIDO 呢款養膚蜜粉真係打破咗我嘅刻板印象

連續 7-10 日全套用佢哋嘅「神仙組合」
先用 Ultimune 王牌免疫力活膚精華打好底
幫皮膚注滿水然後再拍上呢款蜜粉定妝
呢個 1+1 疊加嘅妝效真係驚艷到我
蜜粉個網面設計得幾貼心
用粉撲輕輕按壓就拿到好均勻嘅粉
一打開啲粉細到好似煙霧咁飄出嚟
一拍上面原本防曬同粉底嘅黏膩感一秒消失
最驚喜係佢完全無面具感
上臉後係好輕薄好有透光度嘅自然偽素顏妝效
佢柔焦毛孔嘅效果好勁
我鼻翼兩邊嘅大毛孔同細紋一秒被模糊
而且完全不卡粉，不浮粉連眼周最乾嘅位置都極度貼服

因為之前有Ultimune 王牌免疫力活膚精華打底保濕
再加埋蜜粉本身嘅精華養膚成分
實測帶妝全日肌膚完全無繃緊感
喺香港呢種悶熱天氣下出完街
到咗下晝 3、4 點
皮膚完全無平時定妝粉嗰種抽乾繃緊感依然好保濕舒服
底妝無變髒或者油光滿面
反而蜜粉同皮膚分泌嘅少少油份完美融合
將原本嘅霧面妝感變成好平滑飽滿嘅高級奶油肌
塊臉望落去超立體有透明感

無論喺輕盈度、持久度定保濕度上都完勝
終於有一款蜜粉可以做到完美定妝嘅同時
仲保留到皮膚底層水潤、通透嘅高光感
真係用過就返唔到轉頭