SHISEIDO 資生堂

養膚修護精華蜜粉

感謝@cosme 同 SHISEIDO 提供今次試用機會。

呢款碎粉嘅粉質細滑，附帶嘅粉撲觸感柔軟舒適。碎粉上面後嘅存在感幾乎為零，唔會過份增白同埋改變咗底妝原本嘅顏色。毛孔同眼下嘅細紋即時柔焦得好自然，皮膚好似即刻好咗咁，都冇太明顯嘅粉感。

係保濕力度方面，實際使用上我感覺係ok嘅，就算全日坐係冷氣勁大嘅office都唔會覺得塊面繃緊，亦冇浮粉。

因為本身我係混合性偏油肌，所以控油方面對於我嚟講係還好嘅，但帶妝10小時都冇問題，冇甩妝， T區出油量都係可接受範圍。

整體而言，佢係一款養膚型碎粉，落妝之後膚況都唔會乾，會更推薦乾肌/混合偏乾肌嘅朋友試下。