SHISEIDO 資生堂

養膚修護精華蜜粉

多謝@cosme 俾我試用「養膚修護精華蜜粉」。 依個蜜粉正正適合依家夏天，想有自然珠光澤感，而唔洗怕油光滿面黐立立。

首先個蜜粉係微粉白色 ，上面透薄適合唔同皮膚色既人使用。 到化妝既最後一步， 用粉撲輕輕搖個養膚修護精華蜜粉盒，就取到薄薄一層粉係粉撲，再全面拍，拍4-5下就可以足夠全面定妝。

每次逐少逐少咁上粉，咁就唔會覺得泛白或者厚粉， 上面都唔會有粉粒。每次取薄薄份量都唔會有細紋卡粉情況。 用完毛孔都無咁明顯， 試過出街6hr都未有出油浮粉。 而且用完唔會有乾躁感。 適合用喺鼻梁顴骨，可以更加光感透亮， 有珠光效果， 妝感都立體啲。

中意依個Shiseido蜜粉唔會吸左自身面部既水份，輕薄又保持到保濕同光澤感， 做到養膚既感覺。