SHISEIDO 資生堂

養膚修護精華蜜粉

今次使用SHISEIDO養膚修護精華光感蜜粉，粉質細膩，每次輕壓在網面上後，粉量適中 ，因為自己本身唔係咁鍾意妝感太厚同埋成面都係粉，所以每個位置我都係輕拍咗少量，上面之後睇落都自然，睇落妝感都貼薄，而且唔需要用太多已經見到有效果。


本身自己毛孔都比較大， 所以上妝後近睇都會見到毛孔既情況，咁啱遇着近來都落雨同埋黐立立嘅日子，上妝後更加擔心會溶妝，令毛孔更加暴露於眼前，於是就諗住 試用下 SHISEIDO養膚修護精華光感蜜粉，睇下同我平時用開嘅定妝噴霧會唔會有啲唔同，同時，喺化妝之前，都用埋SHISEIDO ULTIMUNE皇牌免疫力護膚精華打埋個底，希望會潤啲。

使用蜜粉之前都仲見到有啲毛孔同埋微粒嘅狀況， 但係用咗之後都明顯見到毛孔細咗，但係微粒近睇之下都仍然會見到 ，但冇咁明顯 ，遠睇就唔會好覺，而且視覺同埋感覺上都唔係好覺有粉喺面上面，所以感覺係幾良好。

定妝七個鐘之後，因為都係街上面一段時間，而且當日天氣比較熱，亦都有流汗，面上有少許油光，但係妝感都仍然係自然，唔會有乾燥繃緊嘅感覺 或者塊面一噠噠咁，妝感維持度都算高 。