SHISEIDO 資生堂

養膚修護精華蜜粉

最近入手咗呢款Shiseido 養膚精華蜜粉，主要係因為睇中佢上妝同時可以護膚嘅特點。經常化妝嘅女生，揀啲對皮膚好啲嘅化妝品係好重要！聽BA姐姐講，呢款產品每粒蜜粉都有透明質酸包圍，所以可以做到長效補濕功效。唔好忽略夏天補濕嘅重要性，長期身處冷氣房，都好易抽乾皮膚水份。使用呢款蜜粉，長期身處喺冷氣office都完全冇感覺到皮膚乾燥。

蜜粉附有粉撲，唔需要另外添置。粉盒係網面設計，用粉撲輕壓就可以。我買呢款色號係01，係帶光澤嘅白色細緻蜜粉。上妝後唔會影響妝容色調。佢嘅妝效透亮、有光澤感，雖然透薄，但無損佢嘅控油力，T字位冇出現泛油、浮粉情況，上妝後可以keep到大半日，持妝度都好理想。

同時具備補濕同控油力，推薦俾喜歡透亮而帶光澤感妝效嘅女生！