NARS

自然霧光持久粉底液

抽中coseme試用～多謝😊
揀白左色，顏色係YULONG 白得滯，應該再暗多一兩度先岩🤣

1. 質地同上妝感
• 薄透液體狀：質地好水、好薄身，上臉完全唔覺得厚重。
• 成膜速度快：一上臉就要即刻推開，如果唔係好快會乾。

2. 控油與保濕（混油肌）
• 保濕力一般：乾肌或混油肌一定要做足保濕。如果底妝前唔夠補水，上妝會覺得有啲乾，甚至有種「唔食粉」、浮浮地嘅感覺。
• 出油後效果較好：等塊臉出咗少少油之後，粉底同皮膚融合得更好，妝感反而仲靚過啱啱上妝。
• 適合夏天：而家天氣用可能仲係乾咗少少，相信夏天或者再熱啲嗰陣，控油同服貼度會更好。

3. 遮瑕力
• 中低遮瑕：自己多暗瘡印，遮瑕度麻麻，需另外局部遮瑕，疊多層或者另外用遮瑕膏。

4. 持久度
• Keep 到 6 個鐘左右都仲好靚。過咗 6 鐘會有少少浮粉情況出現。
• 化左妝成日都冇乜暗沉。

5. 卸妝後情況
• 唔致痘：用咗一星期，落妝之後皮膚都穩定，冇因為用佢而生多咗暗瘡或粉刺。

剛上妝後情況：
上埋彩妝後，日光下：