NARS

自然霧光持久粉底液

我之前都有用NARS嘅其他產品都覺得幾好用，對佢都有啲期望， 用咗之後發現佢真係冇令我失望！佢最驚艷嘅係遮瑕力極高，薄薄一層就遮到八至九成暗瘡印同泛紅，連遮瑕膏都慳返，而且修飾毛孔嘅效果好似開咗濾鏡磨皮咁，成塊面好平滑。

雖然遮瑕高，但粉感一啲都唔重，上臉好輕盈。佢入面加咗吸油粉末，可以針對性咁吸收多餘油脂，但同時又有保養成分，所以就算係霧面質地，上臉都唔會覺得乾到抽乾晒水分，係嗰種外乾內潤嘅舒服感。持妝力更加係無敵，就算濕熱天氣都完全冇溶妝，亦都唔會暗沉變黃。出油之後會變做超靚嘅微霧奶油肌，越夜越精緻。

唯一要注意係乾肌要做好保濕，因為佢控油力幾強。整體嚟講，佢係一款遮瑕、持久同輕薄平衡得好好嘅產品，絕對會再回購！