NARS

自然霧光持久粉底液

因為我係乾肌，從來睇到matte finsh嘅產品都怕怕，唔夠膽試。今次感謝@cosme同NARS，比我有機會試用全新NATURAL MATTE 自然霧光持久粉底液。一直都覺得matte finsh嘅妝感會好重好乾又難推，但NARS呢支全新自然霧光粉底絕對有驚喜。質感似cream，非常細滑易推，雖然佢會成膜，但延展性好好，唔會推到一半就乾晒。份量用一泵都夠推晒全塊面，唔會有焗促感，效果貼服冇卡粉情況，而且都有中等遮瑕度，就算冇上遮瑕膏都已經遮到泛紅同部分黑眼圈。妝感算半霧面，冇假面感，清爽但唔會覺得乾。帶妝約9個鐘後T字位少少出油，鼻翼同下巴位置有溶妝情況，兩邊面頰算keep到唔太明顯溶妝，氧化情況亦不明顯，沒有明顯變灰變暗，整體持久度幾唔錯。咁啱我手上有NARS嘅原生光亮肌粉底液，色號同樣都係L4 DEAUVILLE，對比之下自然霧光粉底液遮瑕度高少少，柔霧技術令皮膚望落去更細緻無瑕，毛孔都少咗。

當中嘅三重毛孔修飾配方有煙酰胺同微綠複合物，可以改變皮膚紋理同緊緻毛孔，用咗一個禮拜暫時未見到太大變化，不過都冇出現過敏或皮膚變差問題。

總括黎講呢支粉底液好適合香港夏天潮濕天氣用，乾肌都ok唔會覺得乾，遮瑕度同透薄感都令人滿意，我會繼續用埋佢。