L'ORÉAL PARiS

金致臻顏花蜜奢養膠原輕盈乳霜

好開心收到L'oreal Paris金致臻顏花蜜奢養膠原輕盈乳霜嘅試用！

質地方面
一打開就見到佢好似軟滑乳酪咁，推開變水狀，延展性好好。搽上面拍兩拍就吸收晒，完全唔覺得「立」或者油膩，就算香港潮濕天氣用都覺得好舒服，輕盈得嚟又有足夠存在感。

滋潤修護效果
頭幾日用已經feel到佢好保濕，但又唔會「黐淋淋」。連續用7-10日之後，皮膚明顯冇咁易乾到繃緊，好似多咗層好薄嘅保護膜，鎖住水份。就算成日出入冷氣地方，皮膚都keep住水潤，屏障真係有變強到。

光澤感改善
用咗大約一星期左右，朝早起身照鏡會見到塊面自然「令」咗，唔係油光嗰種，而係由底透出嚟嘅光澤。本身因為熬夜搞到面黃、暗啞明顯減退咗，膚色均勻之餘仲有種透明感，素顏睇落冇咁暗沉，成個人精神咗。

緊緻度改善
用到第7日左右，會覺得兩邊面頰冇咁「浮腫鬆弛」，蘋果肌望落飽滿返少少，成個面形線條有啲收緊嘅感覺。雖然唔係醫美級提升，但以保養品嚟講，輪廓有輕微向上嘅效果，摸落去實淨咗。

毛孔同膚質改善
輕手摸面頰，明顯比用之前柔嫩咗，有彈性，唔會再話「鞋鞋哋」。鼻翼兩邊嘅毛孔有細緻到，雖然唔係完全消失，但粗大感減少，膚質平滑咗，上粉都貼啲。

細紋、皺紋、法令紋改善
眼尾嘅乾紋同虎紋（法令紋）冇咁明顯，特別係笑嘅時候，紋路冇之前咁深刻。本身乾燥引起嘅細紋軟化得幾好，但比較深層嘅皺紋就需要再長時間用先見到更大分別。

整體膚況
綜合嚟講，用咗7-10日之後，皮膚穩定咗，少咗泛紅同乾燥脫皮，望落更健康、更透亮。雖然未至於一夜回春，但成個膚質顯得年輕有精神，係一款溫和又有效嘅抗衰老乳霜，適合想入門抗老又怕厚重嘅朋友。