L'ORÉAL PARiS

金致臻顏花蜜奢養膠原輕盈乳霜

L’OREAL PARiS【金致臻顏花蜜奢養膠原輕盈乳霜】

就嚟40嘅我，都開始不停物色抗老嘅產品。最近試咗呢隻升級版膠原小蜜罐(輕盈版)，好似為香港而設咁！

上手嘅質地完全唔係平時嗰種油淋淋嘅膠原Cream，一打開係淡黃色，質地好似軟綿綿嘅疏乎厘，望落好似好潤，但一抹上臉，你會感覺到佢好似「融化」咗入皮膚咁。最緊要係吸收完之後塊臉係滑嘅，而唔係有一層油擸住，就算係香港咁潮濕嘅天氣，或者係夏天用都完全無負擔。

而香味係淡淡嘅花蜜香，係好舒緩、好高級嗰種，唔會覺得好假。

前一晚搽完，第二朝醒返塊臉係有好飽滿嘅光澤感。尤其係冷氣房瞓一晚，皮膚完全唔會乾，摸落去仲係好柔軟、好有延展性。

總結係CP值高之選，覺得皮膚嘅細膩度真係有提升，連化妝都貼服咗。如果想試玻色因PRO呢啲抗老神級成分，但又唔想花幾千蚊買貴價品牌，呢罐小蜜罐真係值得一試，絕對係會回購嘅名單！