L'ORÉAL PARiS

金致臻顏花蜜奢養膠原輕盈乳霜

多謝cosme邀請我試用 L’OREAL PARiS【金致臻顏花蜜奢養膠原輕盈乳霜】， 本人皮膚T字位油兩邊面頰偏乾，容易敏感泛紅，天熱毛孔粗大，典型混合性皮膚。

先講講包裝，金色外盒老實講無奢華感，設計上下分開，反而拎起時要小心成盒嘢碌走咗，裏面金色面霜盒線條流暢，造型就真係幾靚嘅，仲附加埋個匙，方面取面霜嘅時候唔洗手指撩落去，衛生又乾淨。

面霜嘅質地係奶黃色，就好似麥盧卡花蜜咁， 香味都幾舒服嘅 ，而質地睇落好濃稠，但搽上面又覺得好保濕有種凝膠嘅感覺，唔會厚重油膩，會好似有層薄膜，比較啱皮膚乾嘅人用，另外用好少份量就能夠搽滿成臉。

我認為比較適合晚上使用，始終早上嘅話比較啱清爽嘅乳液，用咗一星期左右，皮膚冇出現敏感，有明顯冇咁乾，光澤感好咗，皮膚亦冇之前咁暗啞，感覺飽滿紅潤咗，唯一未見到毛孔有改善到，可能要試多一個星期先會有明顯嘅效果。

AFTERBEFORE