YVES ROCHER

花萃幹細胞高效微精華

感謝邀請試用Yves Rocher 花萃幹細胞高效微精華！試用7天後肌膚明顯有變化！

🌸質地：
呢款精華質地好輕身，係介乎精華液同乳液之間嘅感覺。搽上面嗰陣好容易推開，一推就已經變水感，吸收速度極快，拍兩下就滲透晒。最正係潤而不笠，完全唔會黐立立或者有層嘢封住塊面，用落好舒服，香港又濕又熱嘅天氣用都零負擔。

🪞修護效果
持續用咗一段時間，會發現皮膚冇咁易因為轉天氣或者壓力而出小毛病。佢好似幫皮膚打好個底，修復力唔錯，例如有時有少少乾燥敏感，用完之後舒緩得快。皮膚屏障感覺強咗，冇咁易水分流失，洗完面都唔會覺得崩緊。

💄緊緻度同飽滿感
用到大約兩星期左右，會Feel到塊面冇咁鬆，尤其係下巴同面頰嘅線條望落緊緻咗少少，唔會再水腫腫咁。肌膚觸感變得更飽滿，好似有啲彈性返嚟，輪廓冇話明顯V面，但整體係有提升到，望落精神咗。

🪞乾紋細紋嘅改善
本身眼底同額頭有啲乾紋，用完之後明顯減淡咗，尤其係上粉底嗰陣唔再卡粉。最明顯係乾紋同好淺嘅細紋淡得快，而比較深嘅皺紋就未至於消失，但無再惡化。新紋生成嘅速度感覺有減慢，皮膚冇咁快出紋。


💧光澤感
呢個真係要讚！素顏嗰陣暗沉感大幅减少，塊面望落有種自然嘅透亮光澤，唔係油光嗰種。朝早洗完面，塊面係有精神、白淨咗，就算夜瞓第二日都唔會面如死灰，呢點好驚喜。

🌟淡斑效果
針對色斑方面，佢唔係強效淡斑精華，唔會令斑點突然消失。但整體膚色變得均勻咗，例如面頰以前有啲暗暗哋嘅瑕疵位置，望落冇咁明顯，塊面乾淨咗。新出嘅小色斑速度都有減慢。

💌收毛孔效果
毛孔有明顯收細，尤其係鼻翼同面頰旁邊嗰啲粗大毛孔，望落冇咁顯眼。最開心係粗糙感改善咗好多，輕輕摸塊面，係柔嫩又有彈性，滑溜咗，上妝都貼服好多。

整體膚況總結
整體嚟講，用完之後塊面係更穩定、更健康，少咗出粒粒或者敏感。望落年輕有精神，唔再成日暗黃同乾巴巴，透亮感好出。如果你想要一支温和但又見到效果嘅精華，呢款好值得一試！