YVES ROCHER

花萃幹細胞高效微精華

好開心有機會試用Yves Rocher 花萃幹細胞高效微精華，感謝 cosme！1️⃣試用日數：一個多禮拜

2️⃣產品質感：精華質地比較水狀，唔厚身，仔細睇呈無色透明嘅精華裡面會見到微微閃亮嘅「金色煥采微珠」。質感水潤但唔黏笠，好容易推開，吸收速度極快，一路塗抹一路按摩好快吸收晒。

⚠️ 精華有種好香但好舒服嘅花香味，（唔知係咪營造金鳳尾蓍嘅香氣），隻味塗抹完有種好relax、令我期待下次再搽嘅感覺😆但對於敏感肌/唔鍾意護膚產品有香味嘅人嚟講，可能要注意一下！

3️⃣用後感：產品主打功效包括功修復、緊緻、淡斑、逆齡同喚醒肌膚光澤，我嘗試就呢幾點分享啦！

▫️光澤效果：🌟🌟🌟🌟4/5
雖然用咗只有短短一個禮拜左右，（喺繼續用平時用開嘅護膚品，不過中間加用埋呢支嘅前提下），皮膚真係會有光澤咗，尤其係平時朝早我有用維他命C，用埋佢塊面就真係好似會發光咁！

▫️緊緻效果：🌟🌟2/5
可能用得一個禮拜，所以暫時覺得話有特別緊緻咗。不過我都想持續用耐D，睇吓有無唔同！反而係面頰嘅缺水乾紋，好似無咁明顯！

▫️淡斑效果：🌟🌟🌟🌟4/5
喺維持早C晚A嘅前提下加用精華，成塊面嘅膚色明顯均勻地亮白咗，唔知係咪因為咁，兩邊面頰既色斑整體真係淺色咗。

▫️修復功效：？？？
好幸運最近呢段時間皮膚相對穩定，所以試唔到精華對於修復功效有無作用，不過用落感覺良好，皮膚唔會變差咗。加上配合平時護膚品去用，有相得益彰嘢感覺，所以會繼續用！

▫️保濕感：🌟🌟🌟🌟4/5
作為乾皮嘅中女，呢支精華比到我水潤感，但又唔會笠，而且質地好水夠流質，相信連混合肌都會鍾意，唔會話覺得佢太潤。

整體使用感：🌟🌟🌟🌟4/5 ，會推介俾朋友試用！