YVES ROCHER

花萃幹細胞高效微精華

朝早洗完面之後之後，先搽【花萃幹細胞高效微精華】，再搽【花萃幹細胞修復日霜】。
微精華質地比想像中輕身，推開順滑，吸收速度幾快，唔會有厚重或者黏笠感，再搽日霜，滋潤感會明顯加強，但質地唔算焗，又唔會油。

我有睇下後面成分表，兩款產品都有甘油、透明質酸等保濕成分，唔怪得之用完即時覺得皮膚水潤咗。日霜入面見到角鯊烷、乳木果脂、主要幫助滋潤同鎖水，對兩頰乾燥位置幾有幫助。另外亦有 植物精華同維他命E等植物抗氧化成分，感覺係偏向幫助肌膚維持穩定同光澤。

持續用落，我覺得皮膚摸上手柔軟咗，乾燥感減少，膚色睇落都比較有精神。毛孔同輪廓提升暫時未算好明顯，但作為日常保濕、提升光澤同妝前打底，整體表現幾舒服。