YVES ROCHER

花萃幹細胞高效微精華

首先講吓我嘅膚質先 我係混合性偏乾 過咗30歲之後塊面都開始有啲細紋 特別係頸紋同埋法令紋係特別明顯 平時都時不時會用下啲抗老嘅產品 但係皺紋呢家嘢一出現咗就好難救 今次試用左Yves Rocher嘅花萃幹細胞高效微精華+ 花萃幹細胞修復日霜八日 等我分享吓我嘅試用感受啦 我係每日朝早洗完面 搽完爽膚水之後先搽精華之後再搽日霜 再之後我就會去化妝
呢兩樣產品係唔會同底妝打交 唔會有擦膠碎 好適合喺妝前用
首先講吓兩樣嘢一齊用嘅效果先 下面係before嘅膚況 可以見到我淚溝附近有好多細紋 毛孔粗大，又有法令紋 仲有好多曬斑

跟住呢張係第八日嘅after

真係唔比較唔知佢好😨原來分別都幾大 可以見到淚溝附近啲細紋真係淡咗好多 法令紋就似乎差唔多
但我真係幾滿意個效果！ 畢竟眼底下面嘅細紋真係好顯老

跟住落嚟就專注講吓枝精華嘅使用感受
佢嘅質地係有少少濃稠 我作為乾肌好鍾意佢嘅質地 佢有少少金粉 金光閃閃的 感覺上好高級 推開咗就唔係好覺啲金粉 同埋佢吸收得好快

但係佢浸香味都幾濃烈 同埋會維持好耐 起碼有大半日 我自己對佢浸香味都覺得還可以 所以唔介意佢一直存在喺我塊面上面 但係如果係敏感肌或者好介意香味嘅姊妹 建議去試吓自己接唔接受到陣味先至買 我俾媽媽試用過 佢都幾鍾意浸香味🤣
精華嚟講佢都算係偏中間程度保濕 都幾適合夏天用 唔會太過Over令到塊面覺得好焗 重點係佢同面霜一齊用真係令到我啲細紋淡咗！推薦！