YVES ROCHER

花萃幹細胞修復日霜

好開心有機會試用Yves Rocher 花萃幹細胞修復日霜，感謝 cosme！
1️⃣試用日數：喺唔變動平時護膚程序（早C晚A）嘅前提下用咗一個多禮拜，並配合花萃幹細胞精華一齊使用。

2️⃣產品質感：非常鍾意佢嘅質地！唔好以為望落好似好厚好杰身，但其實係好易推開，塗抹時非常輕薄順滑嘅雪芭質地！⚠️ 同花萃幹細胞精華一樣，帶有一種好香但好舒服嘅花香味，（唔知係咪營造金鳳尾蓍嘅香氣），隻味塗抹完有種好relax、令我期待下次再搽嘅感覺😆但對於敏感肌/唔鍾意護膚產品有香味嘅人嚟講，可能要注意一下！

3️⃣用後感：產品主打功效包括功修復、瞬間保濕、飽滿柔嫩、膚色均勻亮澤，我嘗試就呢幾點分享啦！

▫️光澤效果：🌟🌟🌟🌟4/5
配合平時早C晚A習慣，加埋花萃幹細胞精華，皮膚真係會有光澤咗，塊面真係好似會發光，整體膚色明顯均勻地亮白咗。

▫️柔嫩效果：🌟🌟🌟3/5
順滑嘅雪芭質地非常容易吸收，塗抹完之後皮膚好似有種霧面、好滑嘅幼嫩感。▫️修復功效：？？？
好幸運最近呢段時間皮膚相對穩定，所以未睇到對於修復功效有無作用。不過呢個系列嘅產品標榜98%天然成分，加上用落感覺良好，皮膚唔會變差咗。加上配合平時護膚品去用，明顯有相得益彰嘢感覺，所以會繼續用！

▫️ 瞬間保濕效果：🌟🌟🌟🌟4/5
作為乾皮嘅中女，呢罐日霜加埋支精華配合一齊用，的確令我有種散發光澤嘅水潤感，加上質地算幾清爽，其實幾適合香港春夏潮濕嘅環境下使用！

整體評價：🌟🌟🌟🌟4/5，鍾意佢嘅香氣，另外亦特別鍾意佢嘅輕盈質地，會持續使用，亦會推介俾朋友！