YVES ROCHER

花萃幹細胞修復日霜

今次好幸運獲cosme抽中，可以試用Yves Rocher嘅面霜，開心🥹🙏🏻

最近長時間留喺冷氣環境，皮膚明顯變得比較乾，所以對今次試用都有啲期待。我大概用咗7日左右，整體感覺都幾滿意。

面霜質地方面屬於細緻柔滑，好容易推開，上面之後吸收得幾快。配合同系列精華一齊用，感覺更加貼服，亦唔會有黏膩或者焗住嘅感覺👍🏻帶有淡淡香氣，但唔會過濃，用落幾舒服。

而家天氣又熱又長期開冷氣，用完之後覺得保濕度係足夠，皮膚摸落去都感覺更有彈性同飽滿感。

雖然試用時間唔算好長，暫時未見到皺紋方面有好明顯改變，不過毛孔睇落細緻咗，整體膚質都水潤咗，用前用後對比都見到有改善。

另外我都幾鍾意佢香味走天然路線，唔會有人工香精嗰種濃烈感，成分感覺都比較溫和，用起上嚟更加安心，呢點幾加分👍🏻

會繼續用落去，期待之後有更明顯嘅效果～