YVES ROCHER

花萃幹細胞修復日霜

首先講吓我嘅膚質先 我係混合性偏乾 過咗30歲之後塊面都開始有啲細紋 特別係頸紋同埋法令紋係特別明顯 平時都時不時會用下啲抗老嘅產品 但係皺紋呢家嘢一出現咗就好難救 今次試用左Yves Rocher嘅花萃幹細胞高效微精華+ 花萃幹細胞修復日霜八日 等我分享吓我嘅試用感受啦 我係每日朝早洗完面 搽完爽膚水之後先搽精華之後再搽日霜 再之後我就會去化妝
呢兩樣產品係唔會同底妝打交 唔會有擦膠碎 好適合喺妝前用
首先講吓兩樣嘢一齊用嘅效果先 下面係before嘅膚況 可以見到我淚溝附近有好多細紋 毛孔粗大，又有法令紋 仲有好多曬斑

跟住呢張係第八日嘅after

真係唔比較唔知佢好😨原來分別都幾大 可以見到淚溝附近啲細紋真係淡咗好多 法令紋就似乎差唔多
但我真係幾滿意個效果！ 畢竟眼底下面嘅細紋真係好顯老

跟住落嚟就專注講吓面霜嘅使用感受
佢嘅質地以面霜嚟講算係中度保濕 唔算清爽 亦都唔算濃稠 感覺上有少少油份 但係我後續化妝都冇帶走我嘅底妝 反而令到底妝更加服貼 所以我幾鍾意佢嘅質地 我係乾肌 喺夏天用真係啱啱好

比起枝精華 其實面霜嘅香味唔算濃烈 適合所有人使用 唯一嘅缺點就係打開入邊係冇隔片 感覺上有啲奇怪 唔肯定會唔會有細菌入去 同埋感覺上好似會俾人開過咁（？） 不過佢本身有個紙盒裝住 呢一點應該只係我太龜毛 xD
我推薦用佢嚟查埋頸紋 雖然冇影到條頸嘅before after但係我直覺覺得對頸紋好似都有啲作用 係對改善皺紋有效果嘅面霜！推薦！