Head & Shoulders

水油平衡洗頭水（蓬鬆豐盈型）

多謝@cosme邀請，好開心抽中Head & Shoulders 全新「水油平衡 蓬鬆豐盈洗頭水」

質地係透明啫喱狀，淺粉紅色，起泡唔算好多，容易沖乾淨，唔會有殘留。玫瑰清香味。洗咗兩三次頭皮好乾淨，頭髮唔會過度乾燥好似枯草一樣，不過都係需要用護髮素。

夏天頭皮好容易出油，好容易笠同埋有頭油味，髮尾又偏乾，平時成日洗完頭第二日下晝就覺得笠笠哋，貼住頭皮，好唔舒服。用咗呢支Head & Shoulders洗頭水一星期左右，頭皮出油情況改善咗，頭皮到咗夜晚都保持清爽。頭髮蓬鬆咗，冇再貼住頭皮。最重要係頭皮冇痕癢，整體感覺好平衡。

呢支洗頭水做到「水油平衡」，同時令頭髮蓬鬆豐盈，特別適合頭皮油脂旺盛，頭油又重的人士。