Head & Shoulders

水油平衡洗頭水（蓬鬆豐盈型）

今次試用Head & Shoulders 水油平衡 蓬鬆豐盈洗頭水，感覺良好～

本身自己係油性頭皮，只要一日唔洗頭就會有好多頭油同頭皮，所以一直都用開一啲專門控油同埋減少頭皮屑嘅洗頭水，自己平時係每一日都要洗頭。

今次試用都係每日洗頭用一次，撳一下其實就夠洗一次頭，因為撳一下搓完就會起好多泡🫧 呢隻洗頭水係透明嘅，一撳出嚟就會聞到香味，隻香味其實就好似平時洗髮舖嗰隻味🤣

我嘅用法係開頭用清水洗濕啲頭髮之後、再撳一下洗頭水濕水搓到起泡、再將佢搽落頭髮同按摩頭皮💆‍♀️ （特別係出油同埋多頭皮嘅地方、例如頭頂）、按摩一陣之後再用水沖洗。當將呢隻洗頭水搽上頭同按摩頭皮嘅時候會有陣涼涼哋嘅感覺🤔

試用咗一個禮拜之後，覺得搽完洗頭水沖洗嗰刻啲頭髮都變柔順同滑、自己本身係長頭髮都成會打結，依家覺得打結少咗啲，同埋冇咁易出油、感覺清爽咗～

個人覺得Head & Shoulders啲產品一向都性價比高，大大支但價錢又唔貴，值得入手 。

多謝 @cosme 提供試用！