Head & Shoulders

水油平衡洗頭水（蓬鬆豐盈型）

多謝cosme抽中試用🥰

呢排香港啲天氣又濕又熱，我本身個頭已經好易出油，依家直情係出門口一陣，髮根就扁塌到貼住頭皮，真係好難頂。
今次試用咗呢支洗頭水，最驚喜係控油力真係好持久。以前去到下晝個頭就開始有油光，但用咗佢之後，全日個頭皮都仲幾清爽，最緊要係髮根位唔會油到一條條。
而且洗完頭吹乾嗰陣，明顯感覺到頭髮爽身好多，由髮根位起返身，望落蓬鬆有空氣感，唔會死實實咁貼住。最加分係佢陣木質玫瑰香，唔係平時好假嗰種化學藥水味，聞落好舒服、好有高級感。
總結：
如果你同我一樣一到夏天個頭就又油又扁，呢支真係幫到手，用完個頭輕爽好多！
洗頭前有頭皮屑、頭髮無彈性

洗頭過半天後依然有彈性，唔會貼頭皮