OLAY

PROX 淡紋黑管精華

PROX 淡紋黑管精華



最近天氣轉嚟轉去，加上成日夜瞓同長時間對住電腦，我塊面真係好明顯開始有初老感😭 尤其係法令紋、眼下細紋同埋額頭啲抬頭紋愈睇愈覺眼，加上皮膚仲有少少鬆弛感，化妝之後卡粉問題都比以前嚴重咗，所以最近一直都好想搵支可以真正改善細紋同緊緻輪廓嘅精華。

今次試咗呢支黑管精華之後，第一印象已經幾驚喜✨ 包裝好有高級感，黑色磨砂樽身好似專櫃級護膚品咁，拎上手好有質感。精華本身係偏乳狀質地，比一般抗老精華滋潤少少，但完全唔會厚重或者黏笠，上面好容易推開，一搽開已經感覺到皮膚好滑🫶 吸收速度都幾快，大概按摩十幾秒已經食晒入皮膚，之後摸落去係柔滑感，不會油膩，朝早化妝前用都冇起擦膠問題。

我本身皮膚偏敏感，所以以前用A醇產品都會有啲泛紅同甩皮，但呢支加入咗植物A醇 Bakuchiol，真係溫和好多🌿 我早晚都照用，皮膚都冇唔舒服，反而覺得膚質穩定咗。用完即時感覺係塊面有少少澎潤感，同埋毛孔視覺上柔焦咗，尤其鼻翼兩邊冇之前咁粗大。

最明顯係用咗大概2日左右，毛孔真係有感覺收細咗！😳 平時朝早起身T字位會好粗糙，但而家摸落去滑咗好多，上妝都貼服啲，鼻邊位置冇咁易浮粉。朋友仲問我最近係咪做咗facial，因為塊面睇落細緻咗哈哈。

到大概2星期左右，我開始留意到啲細紋真係淡咗！尤其法令紋同眼下紋最明顯👀 平時一笑就會好深，而家睇落冇以前咁「刻」入去，連額頭抬頭紋都柔和咗。最驚喜係嘴角木偶紋都有改善，本身成日睇落好攰好顯老，而家成個人精神感提升咗好多✨

Before
After 2days


After 1 week


除咗淡紋之外，我覺得緊緻效果都幾出色。以前夜晚攰嗰陣，下顎線會有少少鬆，但用咗兩星期後，感覺輪廓有返少少向上提拉感，jawline比之前明顯，塊面睇落冇咁腫脹，影相都覺得輪廓立體咗📸

前排我都有做保濕導入療程，配合呢支精華一齊用，我覺得皮膚回復速度快咗，而且膚況穩定好多，冇以前咁容易泛紅。最鍾意佢唔係嗰種即時假滑效果，而係持續用落真係感受到皮膚慢慢變緊緻、細滑同有彈性💖

整體嚟講，我覺得呢支精華好適合開始有初老問題、又怕刺激嘅人用。淡紋、毛孔、緊緻度都有照顧到，而且膚感舒服，用得幾安心🥰 我自己會繼續keep住用，期待之後4星期嘅效果再進一步！before & after 真係睇到分別～推薦俾同我一樣開始在意細紋同輪廓鬆弛嘅朋友🙌