OLAY

PROX 淡紋黑管精華

多謝@cosme 同Olay 抽中試用PROX 淡紋黑管精華😍😍之前用過Olay既產品都覺得好好用，所以今次好期待新產品既效果呀~用咗 PROX 淡紋黑管精華大約兩星期，真心覺得佢效果好正！！

首先講下佢既質地，佢係偏輕盈乳液狀，推開之後吸收好快，唔黏、唔厚。用完之後上面霜或者再上底妝，都唔會出現起擦膠碎嘅情況。用後即時保濕同彈滑，但完全唔油膩，整體係一種清爽但有水分嘅觸感。

而佢既氣味方面亦好淡、帶一點清香， 絕對唔會覺得攻鼻，用落好舒服。

由Day 2 開始，我就見到毛孔狀態有少少改善，鼻翼同臉頰嘅毛孔收細咗一點點，而且膚色開始冇咁黃。
去到Day 7，哇😮😮😮😮😮冇用磨砂都覺得皮膚角質層少咗、柔滑咗好多！而且發現法令紋已經開始減淡！
去到Day 14，法令紋更逐步淡化，成塊面飽滿咗、輪廓線條提升左，望落更精神，而且緊緻度up up、毛孔變得更細！❤️😍

跟據官方提供嘅資料，PROX 淡紋黑管精華使用植物A醇Bakuchiol：能安心「早 A 晚 A」不分晝夜緊緻淡紋！突破傳統A醇限制，具備高效促膠原力卻完全無光敏性、無須建立耐受期。即使是敏感肌也能24小時無間斷緊緻 。
即係如果進行醫美療程，係可以繼續用呢支精華！唔使計住醫美療程幾多日前、或者幾多日後唔用得呢支精華！超級方便我呢啲貪靚又懶得計數既人！

總括嚟講，我超級推薦呢支PROX 淡紋黑管精華！啱晒想細緻毛孔、改善膚色、提升緊緻輪廓既你！🫶🏻🫶🏻