OLAY

PROX 淡紋黑管精華

✨ 效果： 配合同系列PROX淡紋屏障修護黑管面霜一齊用，用咗2日已經好快見到收毛孔嘅效果。用到第2星期，眼周表情紋有改善，尤其眼下嗰啲乾紋淺咗。官方話4週淡化頑固皺紋，我暫時未用夠一個月，但初步睇對動態紋算幾見效。唔算好刺激皮膚，第一次用都冇刺痛/紅，只係嘴唇邊比較敏感嘅位有少少反應，以A醇配方嚟講算好溫和。

💦質地： 普遍去皺產品都偏厚重，但呢款好清爽易吸收。呢排潮濕炎熱，用完都唔會黏笠，用喺眼周都冇生粒粒。早晚都有用，冇反黑問題，敏感肌應該都接受到。

🤨缺點：味道太過香，如果減淡返少少會更好。另外之前用開OLAY紅金面霜，膚感同效果覺得都幾類近，但呢支黑管精華價錢貴唔少，自然期望功效會更突出。目前淡紋未算驚人地快，會持續用耐少少，期待之後有更顯著嘅拉提/淡紋效果。

💰性價比： 如果本身用開紅金面霜覺得滿意，未必需要急住升級。如果想用維他命A，又怕傳統A醇刺激，呢支溫和得嚟初見收毛孔、淡眼周紋有效，都值得一試。