OLAY

PROX 淡紋屏障修護黑管面霜

PROX 淡紋屏障修護黑管面霜

試完同系列黑管精華之後，我再配埋呢罐黑管面霜一齊用，真係有種「1+1 > 2」嘅感覺😍 本身我最怕面霜太厚焗或者太油，尤其最近天氣濕熱，稍微滋潤少少就會容易焗粒粒，但呢款面霜意外地幾清爽，完全改變我對抗老面霜厚重嘅印象！

首先包裝都係同系列嘅型格黑色設計，高級感滿滿🖤 面霜質地係偏柔滑cream狀，好似奶油咁，一推開已經融化喺皮膚表面，延展性好高，用量唔需要太多。最欣賞係佢雖然保濕度高，但吸收之後完全唔黏立立，反而有種皮膚被包裹保護住嘅感覺，好舒服。

我本身近期皮膚最大問題係乾燥缺水加少少敏感泛紅，尤其轉天氣或者夜瞓之後，塊面會好容易泛紅同繃緊😮‍💨 用咗呢罐面霜之後，最即時感受到係保濕力真係好強！搽完大概十幾分鐘，皮膚已經冇晒繃緊感，摸落去軟熟咗好多，而且成晚開冷氣瞓覺，第二朝起身皮膚都仲keep到水潤感💧

之前有時用功能型精華會擔心皮膚屏障受影響，但配合呢罐面霜後，穩定度真係高咗好多。尤其有時鼻翼同面頰容易泛紅，用完之後舒緩感幾明顯，冇咁熱辣辣🔥 我覺得對敏感肌好加分，皮膚狀態唔穩定嗰幾日用都冇刺激感。

連續用咗大概兩星期，我覺得除咗保濕修護做得好之外，細紋方面都有幫助✨ 特別係眼周同嘴角位置，本身乾紋會比較明顯，而家化妝冇以前咁易卡粉，笑嗰陣啲紋路都冇咁深。面頰位置摸落去仲有種彈彈地感覺，皮膚睇落飽滿咗。

BeforeAfter 2days

After 1week

另外我幾鍾意佢個膚感夠輕盈，就算混合肌或者夏天用都唔會有負擔🌿 朝早薄薄搽一層再上防曬同粉底，妝感會貼好多，皮膚有種自然光澤感。夜晚厚敷少少，又可以當sleeping mask咁用，第二朝皮膚狀態特別穩定。

我之前做完美容療程後，皮膚有少少敏感乾燥，呢段時間用佢修護效果都幾好，冇出現刺痛或者焗熱感，反而感覺屏障被好好保護住🥹 對於想抗老但又怕刺激嘅人，我覺得真係幾值得試。

整體而言，呢罐唔單止係普通保濕面霜，而係兼顧修護、舒緩同淡紋效果💖 配合同系列精華一齊用，皮膚穩定度、緊緻感同光澤感都有提升。用咗之後真係會令人想素顏出街，皮膚望落健康又有彈性✨