OLAY

PROX 淡紋屏障修護黑管面霜

多謝@cosme 同 Olay 抽中試用 PROX 淡紋屏障修護黑管面霜😍😍之前用過 Olay 既產品都覺得好好用，所以今次好期待呢支面霜可以幫我做到「修護 + 保濕鎖水 + 緊緻提升」嘅效果呀～

先講下質地同吸收：呢支面霜係偏水潤嘅質地，推開之後吸收得好快，亦係淡淡嘅香氣，聞落好舒服，完全唔會覺得攻鼻。用完即時感覺皮膚有啲被潤住同變得柔滑，但保濕鎖水嘅力度對我嚟講係有保濕到，但唔係夠滋潤嗰種。因為我有試過如果淨係用面霜、冇咗精華嘅情況：第二朝瞓醒，塊面反而會出油。我自己推斷係因為唔夠滋潤。

不過，如果係跟住「精華 + 面霜」2步曲用（精華我之前已經有試用心得），我覺得效果會好好多：整體保濕更完整，肌膚狀態更穩，皮膚摸起上嚟更細緻，亦更柔滑。修護方面我亦有感覺到：泛紅同唔均勻嘅狀態減少咗，膚況更加健康，唔會咁容易出現乾到繃緊。

由Day 2 開始，我就見到毛孔狀態有少少改善，鼻翼同臉頰嘅毛孔收細咗一點點，而且膚色開始冇咁黃。
去到Day 7，哇😮😮😮😮😮冇用磨砂都覺得皮膚角質層少咗、柔滑咗好多！而且發現法令紋已經開始減淡！
去到Day 14，法令紋更逐步淡化，成塊面飽滿咗、輪廓線條提升左，望落更精神，而且緊緻度up up、毛孔變得更細、肌膚泛紅減少！❤️😍

跟據官方提供嘅資料，PROX 淡紋屏障修護黑管面霜有專櫃級護膚成分，具備強大抗炎力，抵禦紫外線對細胞的傷害、舒緩泛紅與灼燒感，提供深度抗氧保護、精準對抗眼周、面頰及唇周紋路。全膚質友善： 膚感清爽、上臉無負擔，乾肌、油痘肌、甚至醫美後的敏感肌均可安心使用。
即係如果進行醫美療程，係可以繼續用呢支面霜！唔使買咁多種唔同嘅面霜放喺屋企。

總括嚟講，我會推薦呢支PROX 淡紋屏障修護黑管面霜！啱晒想減少肌膚泛紅、提升緊緻輪廓既你！🫶🏻