OLAY

PROX 淡紋屏障修護黑管面霜

多謝@Cosme抽中我可以試用 - PROX by OLAY 淡紋屏障修護黑管面霜

隨着年紀開始大，肌膚彈性慢慢減弱，細紋同法令紋都越嚟越明顯。近期有機會試用到 PROX by OLAY 系列，今次同大家分享呢款淡紋屏障修復面霜

罐身係黑色磨砂設計，摸上手有沉甸甸嘅高級感，外觀簡約又穩重。打開之後，面霜呈現霜狀偏滋潤，顏色係淡淡粉紅色，仲有陣好淡好舒服嘅香味，唔會刺激。我自己係混合性皮膚，而家香港天氣又熱又潮濕，用滋潤感比較強嘅面霜要格外小心。呢罐質地本身唔錯，推開都算順滑，吸收後皮膚摸落去滑滑地，但因為滋潤度偏高，我用咗幾日發現面頰位置有少少生粒粒嘅情況。所以我覺得呢罐面霜冬天用會更加適合，夏天或者濕熱天氣，我會傾向薄薄一層，或者留待晚上先用。

• 用咗2日：已經覺得皮膚滑溜咗，觸感舒服咗。
• 用咗14日：毛孔睇落細咗少少，細紋有淡化，法令紋位置都彈返一點點，整體肌膚屏障感覺穩陣咗雖然夏天用落去滋潤度對我嚟講稍稍過火，但效果方面係正面嘅。我之後會等冬天繼續用，再觀察長遠表現。

如果你係混合性至乾性皮膚，又或者冬天想加強保濕同抗老，呢罐面霜值得考慮。整體質感同包裝都幾有水準👍🏻