OLAY

PROX 淡紋屏障修護黑管面霜

作為一個冷氣房重度用家兼乾肌，面部乾燥、細紋、粗糙同泛紅問題真係困擾咗我好耐。呢款面霜嘅包裝同精華一樣行黑色高質感路線，細細樽帶去旅行都好方便。

佢嘅質地真係幾舒服，潤得嚟完全唔會黏笠或者泛油光。面霜非常容易推開，延展性極佳，即使喺塊面上輕輕按摩、推十幾下做吓面部瑜伽去水腫，都唔會拉扯到皮膚，好快就俾肌膚完全吸收，即時鎖水保濕嘅效果令人滿意。

用咗兩個星期之後，老實講，好多人追求嘅緊緻飽滿感或者下顎線（jawline）更分明嘅提拉效果，我個人就冇乜感覺，輪廓線條同之前差不多。不過，佢在於修護肌膚同穩定膚況方面真係值得讚，用咗兩星期後，我塊面原本嘅泛紅問題明顯減少咗，整體膚況摸落去健康咗、冇咁容易繃緊。因為冇乜提拉緊緻嘅效果，10分滿分我會俾6分，如果主要想舒緩泛紅、穩定義膚同長效保濕嘅話，佢算係一個穩陣嘅選擇。