OLAY

PROX 淡紋屏障修護黑管面霜

感謝@cosme提供試用 OLAY PROX 淡紋屏障修護黑管面霜～

使用感受方面：
呢罐黑管面霜我會形容為近期幾有驚喜嘅修護型面霜！！因為我本身皮膚偏乾，加上長期開冷氣、作息亂，同埋之前轉季時有試過泛紅敏感，所以我會比較喜歡保濕度高，同埋我會留意面霜嘅成份，呢款面霜用落就幾平衡。

呢款面霜質地第一吓接觸覺得係偏rich，但其實推開後覺得係偏輕盈，上面後有種包住皮膚嘅柔潤感，但唔會焗住或者油淋淋。今次試用期間我配合咗系列精華用，感覺面霜真係有幫手鎖住前面啲護膚品，第二朝起身皮膚仲係軟熟有彈性，唔會瞓醒即刻乾返。最近天氣同環境轉變比較大，但皮膚穩定度幾好。

我最有感係皮膚屏障狀態改善咗。以前一攰或者瞓少啲，塊面就會變粗糙、暗沉；但用咗一排之後，摸落皮膚細滑咗，乾燥位都少咗，連化妝都貼咗。佢入面有Ectoin同修護成分，感覺真係做到舒緩效果，有幾晚皮膚微微敏感時厚搽少少，第二朝會穩定返好多。

連續使用7日後，我覺得皮膚整體有種更飽滿、更有彈性嘅感覺，下顎線視覺上都sharp咗少少。雖然唔係即刻「V面」嗰種誇張效果，但會感受到皮膚狀態健康咗、冇咁鬆同攰。

整體而言，我覺得佢係一款兼顧修護同抗老感覺嘅面霜，尤其適合生活壓力大、經常捱夜或者皮膚容易敏感不穩定嘅朋友。用感舒服、穩定度高，而且同淡紋精華配合使用時，整體皮膚質感提升會更加明顯。