KOSE 雪肌精

雪肌精 BLUE 水潤透亮防曬精華

多謝@cosme 嘅試用邀請。

我本身係雪肌精藥用乳液嘅多年用家。 用咗佢之後我就冇擔心過夏天會曬黑嘅問題，因為冇耐會 白返晒。 我本身面部皮膚混合性偏乾，同埋本身有色斑嘅問題，所以都用唔少美白淡斑嘅產品。而坊間好多美白產品都會令到皮膚有啲乾。同我用開嘅精華好唔同，佢係粉粉地色同佢質地唔屬於好水潤，但係佢都幾易推開，唔會令到塊面泛白。佢本身有SPF40，如果唔使出街，我會當係防曬用，唔使另外搽防曬。 搽完佢之後上嘅妝幾貼服， 同埋個妝都算持久。

用咗一陣，我覺得佢始終唔係好水潤，所以一定要配合佢嘅精華水一齊用，可以確保保濕效果好啲。總括嚟講我覺得佢好適合而家比較潮濕，同埋間唔中落雨嘅天氣。但係我暫時睇唔到佢好其他產品咁有美白嘅效果，可能要用耐啲先知。