沙宣

水感舒活洗髮露

首先感謝 @cosme 抽中試用Vidal Sassoon嘅水感舒活洗髮露❤️☺️
我本身屬於頭皮偏乾易敏感嘅膚質，最困擾我嘅係只要第二日冇洗頭，頭皮就會開始發癢，甚至有少少乾燥敏感嘅徵狀。

收到呢支洗髮露之後，我連續體驗咗大約兩星期，佢嘅舒緩效果真係令我好驚喜😍洗髮露嘅質地好溫和，泡沫細緻綿密。而成分含有AHA果酸活性分子，專為敏感頭皮而設，洗頭嗰陣覺得頭皮完全冇刺激感，味道方面，亦唔會話好香，洗完之後，頭皮感覺非常清爽乾淨，但完全唔會感到乾澀緊繃👍🏻

用咗大約兩星期，最明顯嘅改善係佢嘅補水鎖水能力，入面有角鯊烷成分，可以幫頭皮深層保濕。而家就算到咗第二日冇洗頭，頭皮依然可以維持到水潤平衡，以前嗰種乾燥引起嘅痕癢感大大減少咗！

最令我驚喜嘅係髮根變得好豐盈，唔再咁容易因為乾燥而顯得毛燥暗啞。同以前用過嘅洗髮水相比，VS呢款洗髮露保濕同舒緩痕癢方面好明顯，真心推介比乾敏頭皮嘅朋友試下🤗