沙宣

絲滑盈亮潤髮乳

好幸運獲得@cosme 揀中試用Vidal Sassoon【水感舒活洗髮露】+ 【絲滑盈亮潤髮乳】！

本身雖然唔係頭皮多嘅人，但頭皮都偏乾燥敏感，有時洗完頭吹乾頭髮，會有啲細屑黐晌頭髮🫣頭髮亦比年輕時較為乾旱暗啞。睇返產品介紹，全新嘅VS水感舒活洗髮露係專為頭皮乾燥敏感問題研發，精萃角鯊烷成份有助鎖住&補充頭髮嘅水份，而AHA 果酸活性分子溫和呵護並滋養敏感頭皮。

洗髮露瓶身設計沿用VS經典紅色，但加入透明嘅元素，帶出【水感舒活洗髮露】嘅輕盈清爽印象。

洗髮露無色透明，產生泡沫豐厚度適中，沖水後感覺清爽，炎炎夏日清潔感十足！至於【絲滑盈亮潤髮乳】質感豐盈，洗髮後均勻塗抹，滋潤得黎唔會太過黐立立。吹乾頭髮後，頭皮唔會乾或者痕，頭皮同頭髮keep到保濕度，髮質柔順得黎保持強韌，望落去帶光澤，乾旱毛燥都有改善。VS呢set洗髮潤髮產品針對頭皮敏感用家，我嘅使用體驗非常好！多謝哂@cosme 俾機會我認識新產品☺️