沙宣

絲滑盈亮潤髮乳

感謝@cosme抽中試用全新沙宣Scalp Care頭皮護理嘅產品

細細個「沙宣」已經聽過呢個名😛
呢個品牌會令我聯想起「salon」、「專業」
以前亦都試過用定型mousse 嘅造型產品

今次終於有機會試下其他系列嘅產品啦
今次試用嘅係\全新/ 絲滑盈亮潤髮乳
係專為秀髮或頭皮乾燥受損問題研發
添加左玻尿酸精華分子滋潤頭皮
配方能夠深層滲透髮絲，輕盈自然
旨在從根源改善乾枯受損秀髮，煥活秀髮盈亮光澤

其實在於乾性頭髮嘅我，conditioner 係一個must have item
都試過坊間唔少產品，但都無一個固定choice
仲處於一個反覆嘗試+尋找嘅階段

今次試用全新沙宣Scalp Care頭皮護理嘅兩支產品
當中包括水感舒活洗髮露同呢支絲滑盈亮潤髮乳
較早前我已經獨立咁用左水感舒活洗髮露，
效果已經好好，頭髮洗完吹完都無打結

今次就兩支配合一齊黎用，睇下效果會唔會再好啲

使用前：我嘅頭皮屬於中性偏乾，好少有“油頭”嘅情況，
但有時洗完頭吹完，頭皮會有時有啲頭皮屑喺頭皮面甩甩地出黎，
有時R頭都會有小小雪花跌落黎
而一般情況下，我都會避免淨係用洗髮露
因為我嘅頭髮都會有啲乾旱，洗完頭會有毛燥，頭髮好散好大把
亦會有啲甩頭髮嘅情況出現
所以淨係用洗髮露嘅話，我啲頭髮洗完好多時都會打"kick",梳頭或者吹頭時都好麻煩，
令我一向都會連埋conditioner去用。

今次仲使用嘅情況係，洗髮露我大概用左一個五蚊銀大細嘅份量，洗完頭之後
因為我頭髮比較長嘅關係，
我就用兩個五蚊銀嘅潤髮乳份量，配合按摩去使用
同樣地產品有少少香味，但呢種香味係怡人嘅
而沖洗亦都容易，唔會覺得好難洗走
亦唔會洗完都有一層油喺頭髮表面嘅感覺

使用後：

首先頭皮唔會覺得好乾，係清爽得黎覺得滋潤嘅，
唔會梳幾梳就會有雪花跌落黎
另外亦都唔覺有甩頭髮嘅情況出現
洗完個頭感覺係軟綿綿，絲滑柔順感有增加
而吹完頭，成把頭髮無散哂好大把頭髮咁
係貼服但係有彈性嘅，梳完之後都好整齊，唔會成頭毛燥頭髮出哂黎
而比起單獨使用洗髮露時，用埋潤髮乳，頭髮係天順滑貼服
就咁吹乾已經好順直貼服，無毛燥髮絲走出黎
光澤感亦都有所提升

呢個系列嘅洗髮露同潤髮乳真係值得推薦！！