YHKcare

TeaPep黑茶肽煥活保濕噴霧

我平時買任何護膚品，第一件事一定係睇成分。呢支 TeaPep 黑茶肽煥活保濕噴霧，主打無香料、無酒精嘅極簡配方，仲過埋德國 Dermatest® 認證，見到呢啲字眼已經好放心。用咗一排，真係完全冇出現過任何敏感或者面紅嘅情況，令人好安心。

今次試用呢支噴霧，主要係當化妝水咁用，非常方便。呢個星期洗完面第一時間就會噴一噴保濕噴霧，一來補水，二來可以降溫。用呢支噴霧最想讚嘅，係佢個噴嘴。有好多保濕噴霧一噴出嚟好似水槍咁，會射到成塊面一噠噠水，甚至整到隻眼好唔舒服。但 TeaPep 呢個噴嘴做得非常之優秀，噴出嚟嘅霧氣係超細、超微米嗰種，好似一陣煙霧咁好溫柔咁包圍住塊面。因為霧質好細，完全唔使你用手拍好耐，成個感覺非常之清爽同舒服。

仲有第二個用法，每次喺條街度行到好熱，身體有少少敏感嘅時候噴兩下， 即刻有輕微降溫，冇咁紅痕，嗰種繃緊同紅熱嘅感覺慢慢就會退落嚟，而且睇介紹佢嘅成分本身就對修護皮膚屏障好好。