YHKcare

TeaPep黑茶肽煥活保濕噴霧

感謝 @cosme 邀請試用 TeaPep黑茶肽煥活保濕噴霧
本身都有用開保濕噴霧 本身用緊嗰支已經就嚟用晒所以已經打算再試吓其他牌子 咁啱就收到試用邀請TeaPep保濕噴霧
本人係極度容易敏感肌 但用呢支噴霧都沒有過敏泛紅的情況
一開始試用噴上面嘅時候已經感受到有種清涼舒服既感覺 而且噴霧好細緻 算係我用過數一數二細緻嘅噴霧 上臉效果好舒服 泛紅嘅時候我用嚟濕敷 會有肉眼可見舒緩咗既效果 就算濕敷完都唔會好黏笠嘅感覺 好快就吸收到落肌底 超正😍
如果出完街晚上有時間既時候我仲會噴落化妝棉度配合美容儀嘅清潔模式👍🏻建議大家有美容儀嘅可以試試 用完佢黎做清潔既效果都唔錯 而且保濕程度都好足夠

平時朝早返工趕時間我會就咁用嚟噴完全面就上妝 到下午嘅時候真係冇咁容易脫妝 如果特別乾嘅日子我會先用棉花濕敷5分鐘 敷完之後真係可以見到皮膚係比較保濕亮滑的 如果有時間的話我會再用手按摩一下等佢吸收一下 效果會更加好
總結嚟講呢支TeaPep 黑茶肽煥活保濕噴霧係我絕對會回購嘅保濕噴霧！唯一缺點就係容量唔算好多 可能比較快會用完一支 但淨係佢嘅噴霧細膩程度已經好值得一試👍🏻 推介敏感肌人士去試試