YHKcare

TeaPep黑茶肽煥活保濕噴霧

多謝@cosme 抽中我試用YHKCare TeaPep黑茶肽煥活保濕噴霧！
最近唔知係咪開住冷氣瞓覺，皮膚好容易乾癢。試用咗呢支保濕噴霧大概兩個禮拜，感覺非常驚喜，first impression係使用感非常之好 ，噴霧非常細緻，冇異味，用落好舒服。
尤其今日出街曬咗成日之後用，幫我降咗唔少紅同埋降溫，更加即時止到乾癢。最近托賴冇爆濕疹，暫時未能知道舒緩濕疹嘅效果。
不過我覺得鎖水效果唔算非常好，但有減少乾燥，避免甩皮，後續再用其他護膚品都唔會打交，亦都可以促進吸收，噴霧為皮膚打底 。
有樣嘢特別想稱讚，噴頭非常好，倒轉都噴到！
係使用期間我皮膚狀況有變得穩定，至於加強肌膚屏障，減少發炎就有待觀察 👀。
同埋我有樣嘢唔知係好處定壞處，佢個效果唔long last，只可以維持到一日（沖涼前），沖完涼，就冇咗保濕感，但對於敏感濕疹肌嚟講，我覺得係一個安全感，唔會覺得好似有浸嘢喺皮膚表面咁。
總括嚟講，噴霧使用感受非常好，又有保濕效果，唔會令皮膚狀況變得唔穩定，又冇酒精冇異味，敏感肌friendly，推薦！！