YHKcare

TeaPep黑茶肽修護潤膚乳

我本身皮膚偏乾兼容易敏感，尤其一到轉天氣或者長時間留喺冷氣地方，手腳同面頰位置就會開始乾燥、泛紅，嚴重時仲會痕同甩皮，偶爾甚至有少少濕疹情況，所以一直都好注重保濕同修護類產品。
佢個包裝設計簡約乾淨，感覺已經幾舒服安心。而最令我驚喜係佢嘅質地，雖然屬於修護型潤膚乳，但完全唔厚重，搽上皮膚時好絲滑，好容易推開，唔會有一般潤膚乳嗰種油笠感。吸收速度都幾快，搽完之後皮膚係水潤清爽嘅感覺，就算朝早用完再化妝都唔會覺得黏立立。
我通常會喺沖完涼、皮膚仲有少少濕潤時搽全身，特別係手肘、膝頭同容易甩皮位置會厚搽少少。佢保濕鎖水效果真係幾持久，原本乾燥繃緊同甩皮情況都有明顯改善，連續用幾日之後，皮膚摸落都滑咗好多。之前皮膚狀態差時，下巴同手臂位置有少少痕癢泛紅，用咗之後都覺得有即時舒緩效果，泛紅冇以前咁明顯。
另外我都幾欣賞佢無香料、無酒精，用落完全冇刺激感，就算敏感或者濕疹有少少發作時用都好安心。長時間用落去，會感覺皮膚穩定咗，冇以前咁容易乾同敏感，耐受度都好似提升咗。
面會配合噴保濕噴霧再搽潤膚乳，感覺吸收更快，而且保濕效果會更持久。整體嚟講，我覺得佢係一款溫和、舒服又適合敏感肌日常使用嘅修護潤膚乳，面同身體都用得，最近轉季真係特別適合。